欢迎访问 单单理财网
你的位置:首页 > 资讯 > 正文

【古天后日誌】A股仍具炒作空间 内险股睇高一线

时间: 2019-07-18 14:10:54

【古天后日誌】A股仍具炒作空间 内险股睇高一线

  7月3日,多云间中有大骤雨及雷暴,而且都几大风,不过打风唔成三日雨,都预咗呢两三日天气唔稳定。G20特习会后,中美重启贸易谈判,虽然预咗谈判道路仍漫长,但有得倾总好过唔倾,呢个消息确係对股市起咗好大提振作用,美股继续向上,三大指数收市上涨,标指连续两日创收市新高,而纳指亦逼近历史新高,现价距离高位不足1%。

  不过侵侵又点会咁顺摊,呢头跟中国叫关係好番啲,嗰头又去欧洲点火头,美国贸易代表办公室周一公布,对欧盟产品加徵关税出咗份补充清单,所涉产品约渐40亿美元。而欧盟已表示愿意美国就飞机製造商补贴争议进行谈判,只要无预设条件,最紧要公平。似乎美国呢期对于各国嘅贸易谈判得心应手,侵侵一招关税暂时确係求仁得仁。

  值得留意係美股近日即使屡创新高,但美国企业盈利表现认真麻麻,今个月中又踏入业绩期,但令人担心嘅係,已披露盈利展望嘅113间美国企业中,意然有七成几即87间公司发出盈警,係2006年有纪录以嚟第二差,到公布业绩时都咪话唔湿滞。

  至于港股呢边,五穷之后,6月炒定美国减息又唔太绝,而踏入7月因为中美贸易关係有好转,谈判重启兼且放生华为,七翻身似乎有个好开始,反弹目标暂时睇番30000点先,不过月底联储局议息,到时唔减就要等到9月,所以就算预期今个月反弹目标係30000,喺月底议息前或者又要落一落车。

  讲番港股噚日上升动力普普通通,隔晚美股虽然向上,但夜期跟ADR都见回吐,而目前恒指喺新加坡黑期就升番几十点,目前喺28900水平之上徘徊。由于明日为美国独立日假期,估计美股嗰边今晚变化唔大,港股今日表现或较牛皮。

  板块方面不妨留意番内险股,平保(02318) 股价及相关新闻 噚日创历史新高98元,睇嚟要晋身红底股并非难事。而中国人寿(02628) 股价及相关新闻 股价亦裂口高开重上50日线,技术指标转强,大有机会重上50周线,目标先睇22元,止蚀位19元可以博一博。留意内险股都要睇A股表现,暂时A股已重上3000点,睇嚟低位或者已喺第二季出现咗,只要中美贸易谈判生生性性唔再出岔子,A股喺今季仍有炒作空间,对内险股亦有一定提振作用。

  另一个可继续留意嘅板块当然係5G概念股,美国放生华为,中国喺5G产业建设持续,相关股份应该可以步步高升,除咗古天后一直睇好嘅中国铁塔(00788) 股价及相关新闻 之外,中兴通讯(00763) 股价及相关新闻 亦有得谂,只係呢两日中兴股价升得嚟略欠动力,连续两个交易日以阴烛收市,留意10日线即22元要守稳,否则升势以持续。

  古天后

  (徐狄怡,证监会持牌人 汇盈资产管理 董事总经理)

新闻标题: 【古天后日誌】A股仍具炒作空间 内险股睇高一线
新闻标签: 电信(1)
Top